पेरुका पूर्वराष्ट्रपति फुजिमोरीलाई २५ वर्ष जेलसजाय

लिम्वूवान डट व्लगस्पोट डटकम,काठमाडौं

लिमा/ पेरुका पूर्वराष्ट्रपति अल्बर्टो फुजिमोरीलाई मृत्युको आदेश तथा अपहरणको आरोपमा २५ वर्ष जेलसजाय तोकिएको छ । सन् १९९० को दशकमा विद्रोहीसँगको युद्धमा फुजिमोरीले २५ व्यक्तिको हत्या गर्ने आदेश दिएको न्यायाधीशहरूले फैसला गरे । यसका साथै पत्रकार तथा व्यापारीको अपहरणमा संलग्न भएको पनि न्यायाधीशले बताएका छन् । फैसलाविरुद्ध पुनरावेदन दिने फुजिमोरीले बताएका छन् । मानवअधिकारवादी अन्तर्राष्ट्रिय संस्था एम्नेस्टी इन्टरनेसनलले फैसलालाई न्यायका लागि गरिएको संघर्षको उपलब्धि भनेको छ । 'पेरुमा न्याय भएको छ । यो ऐतिहासिक दिन हो,' एम्नेस्टी इन्टरनेसनलका प्रवक्ता जेभियर जुनिगाले भने ।