सम्पूर्ण जीवन अमेरिकासँग लाप्पा खेलेर बिताएका क्युबाली नेता फिडेल क्यास्ट्रोको हत्या गर्न जम्माजम्मी ६ सय ३८ योजना बनाइएछन् । यीमध्ये अधिकतम योजना सुपि्रम अमेरिकाको जासुसी 
संस्था सिआइएद्वारा बनाइएका थियो । र, अमेरिकामा निर्वासित क्युबालीहरूद्वारा पनि केही खेप योजना बनाइएका थिए । करिब आधा शताब्दीभित्र बनाइएका हुन् यी योजना । संसारका अन्य कुनै नेताको हत्याका लागि यति धेरै योजना सायदै बनाइएका छन् । यिनै हत्या योजनाका नालीबेली समेटेर यौटा डकुमेन्ट्री फिल्म नै बनाइएको छ- सिक्स हन्ड्रेड थर्टी एट वेज टु किल क्यास्ट्रो ।तर, यति धेरै हत्या योजनाका बाबजुद क्यास्ट्रोको ज्यानमा एक खत लगाउन पनि सकेन सिआइएले । भाग्यमा विश्वास गर्नेहरूका लागि क्यास्ट्रो संसारको सबैभन्दा बलियो 'ग्रह' भएका नेता हुन् । कतिका लागि भने क्यास्ट्रो इस्पातले बनेका मान्छे हुन् ।उनको हत्या-योजना तथा प्रयासमा अपनाइएका विधिहरू पनि कम्ती रोचक थिएनन् । विस्फोटक सिगारदेखि लिएर विषालु बल पोइन्टसम्मलाई अस्त्र बनाउन खोजिएको थियो । सिआइएले सुन्दरीहरूलाई पनि हतियार बनायो । तर, कसैले उनको रौँ पनि झार्न सकेनन् । सिआइए क्यास्ट्रोको हत्या गर्न यति इच्छुक र आतुर थियो कि ऊ जेम्स बन्डजस्ता उपन्यासका लागि समेत उडन्ते र हावादारी लाग्ने हत्याका विधिहरू अपनाउन तयार थियो । सिआइएका केही अधिकारीका भनाइमा क्युबा पूर्णचन्द्रजस्तो थियो, जो आफ्ना प्रभावले अमेरिकालाई पागल बनाइरहेको थियो । र, पागल अमेरिका फिडेलको हत्या गर्न जुनसुकै पागलपन अख्तियार गर्न तयार थियो । सिआइएका विभिन्न हत्या-योजनामध्ये सबभन्दा चर्चित थियो- सिगारका सोखिन क्यास्ट्रोको मुखैमा सिगार पड्काइदिने । त्यस्तै, डाइभिङ सुट योजना पनि कम्ती रोचक थिएन । क्यास्ट्रो समुद्रभित्र सयर गर्न असाध्यै मन पराउँथे । अमेरिकी योजना थियो- यौटा यस्तो डाइभिङ सुट बनाउने, जसलाई लगाउने व्यक्ति छालासम्बन्धी असाध्य रोगबाट संक्रमित होस् । तर, अमेरिकाको यो योजना पनि यत्तिकै तुहियो । क्लिन्टन प्रशासनले पनि क्यास्ट्रोलाई समुद्रमै उडाइदिने योजना बनाएको थियो । तर, अरू धेरै योजनाझैँ ड्रइङ बोर्डभन्दा बाहिर आउन सकेन यो योजना पनि । सन् १९५९ मा क्यास्ट्रो सत्तामा आएदेखि नै उनको हत्या-प्रयास सुरु भएको थियो । सन् १९६१ मा अमेरिकी सरकारको सहयोगमा अमेरिकामा निर्वासित क्युबालीहरूले बे अफ पिग्ज्मा क्यास्ट्रो, उनका भाइ राहुल र अनन्य मित्र चे ग्वेभाराको हत्या गर्ने प्रयास गरेका थिए । अमेरिकी पूर्वराष्ट्रपति जोन एफ केनेडीको हत्या भएकै दिन सिआइएले एक एजेन्टलाई क्यास्ट्रोको हत्या गर्न पठाएको थियो । विषालु बलपेनद्वारा उनको हत्या गर्ने योजना थियो । तर, उक्त एजेन्ट असफल भयो । फिडेलकी पूर्वप्रेमिकालाई पनि सिआइएले प्रयोग गर्न बाँकी राखेन । सिआइएले उनलाई विषालु पिल्स (चक्की) हरू दिएको थियो । कोल्ड क्रिमको बट्टामा लुकाइएका ती विषालु पिल्स पग्लिएछन् । जब उनी क्यास्ट्रोको कोठामा पुगिन्, क्यास्ट्रोले उनलाई आफ्नो पेस्तोल दिँदै भने, 'मलाई थाहा छ, तिमी मलाई मार्न आएकी हौ ।' उनी छाती तन्काएर गोली थाप्न तयार भए । तर, उनकी पूर्वप्रेमिकाले उनीमाथि गोली चलाउन सकिनन् । सन् २००० मा क्यास्ट्रो पानामाको भ्रमणमा थिए । उनी बोल्ने मञ्चमुन्तिर ९० केजी विस्फोटक पदार्थ राखिएको थियो । क्यास्ट्रोको निजी सुरक्षा-दस्ताले यो षड्यन्त्र पत्ता लगाएको थियो । र, क्यास्ट्रो बाँच्न पुगेका थिए । यस षड्यन्त्रका नाइके थिए लुइस पोसाडा । उनी लामो समयदेखि अमेरिकामा निर्वासनमा थिए र सिआइएका लागि काम गर्थे । क्यास्ट्रोको हत्या गर्न समर्पित भएर लाग्नेहरूमा उनी अग्रणी थिए । अमेरिकाको फ्लोरिडा राज्यमा क्यास्ट्रोको असफल हत्या प्रयासमा संलग्नहरूमध्ये अधिकांशका घर छन् । उनीहरूलाई अमेरिकी सरकारले संरक्षण दिएको छ भनिन्छ ।
संस्था सिआइएद्वारा बनाइएका थियो । र, अमेरिकामा निर्वासित क्युबालीहरूद्वारा पनि केही खेप योजना बनाइएका थिए । करिब आधा शताब्दीभित्र बनाइएका हुन् यी योजना । संसारका अन्य कुनै नेताको हत्याका लागि यति धेरै योजना सायदै बनाइएका छन् । यिनै हत्या योजनाका नालीबेली समेटेर यौटा डकुमेन्ट्री फिल्म नै बनाइएको छ- सिक्स हन्ड्रेड थर्टी एट वेज टु किल क्यास्ट्रो ।तर, यति धेरै हत्या योजनाका बाबजुद क्यास्ट्रोको ज्यानमा एक खत लगाउन पनि सकेन सिआइएले । भाग्यमा विश्वास गर्नेहरूका लागि क्यास्ट्रो संसारको सबैभन्दा बलियो 'ग्रह' भएका नेता हुन् । कतिका लागि भने क्यास्ट्रो इस्पातले बनेका मान्छे हुन् ।उनको हत्या-योजना तथा प्रयासमा अपनाइएका विधिहरू पनि कम्ती रोचक थिएनन् । विस्फोटक सिगारदेखि लिएर विषालु बल पोइन्टसम्मलाई अस्त्र बनाउन खोजिएको थियो । सिआइएले सुन्दरीहरूलाई पनि हतियार बनायो । तर, कसैले उनको रौँ पनि झार्न सकेनन् । सिआइए क्यास्ट्रोको हत्या गर्न यति इच्छुक र आतुर थियो कि ऊ जेम्स बन्डजस्ता उपन्यासका लागि समेत उडन्ते र हावादारी लाग्ने हत्याका विधिहरू अपनाउन तयार थियो । सिआइएका केही अधिकारीका भनाइमा क्युबा पूर्णचन्द्रजस्तो थियो, जो आफ्ना प्रभावले अमेरिकालाई पागल बनाइरहेको थियो । र, पागल अमेरिका फिडेलको हत्या गर्न जुनसुकै पागलपन अख्तियार गर्न तयार थियो । सिआइएका विभिन्न हत्या-योजनामध्ये सबभन्दा चर्चित थियो- सिगारका सोखिन क्यास्ट्रोको मुखैमा सिगार पड्काइदिने । त्यस्तै, डाइभिङ सुट योजना पनि कम्ती रोचक थिएन । क्यास्ट्रो समुद्रभित्र सयर गर्न असाध्यै मन पराउँथे । अमेरिकी योजना थियो- यौटा यस्तो डाइभिङ सुट बनाउने, जसलाई लगाउने व्यक्ति छालासम्बन्धी असाध्य रोगबाट संक्रमित होस् । तर, अमेरिकाको यो योजना पनि यत्तिकै तुहियो । क्लिन्टन प्रशासनले पनि क्यास्ट्रोलाई समुद्रमै उडाइदिने योजना बनाएको थियो । तर, अरू धेरै योजनाझैँ ड्रइङ बोर्डभन्दा बाहिर आउन सकेन यो योजना पनि । सन् १९५९ मा क्यास्ट्रो सत्तामा आएदेखि नै उनको हत्या-प्रयास सुरु भएको थियो । सन् १९६१ मा अमेरिकी सरकारको सहयोगमा अमेरिकामा निर्वासित क्युबालीहरूले बे अफ पिग्ज्मा क्यास्ट्रो, उनका भाइ राहुल र अनन्य मित्र चे ग्वेभाराको हत्या गर्ने प्रयास गरेका थिए । अमेरिकी पूर्वराष्ट्रपति जोन एफ केनेडीको हत्या भएकै दिन सिआइएले एक एजेन्टलाई क्यास्ट्रोको हत्या गर्न पठाएको थियो । विषालु बलपेनद्वारा उनको हत्या गर्ने योजना थियो । तर, उक्त एजेन्ट असफल भयो । फिडेलकी पूर्वप्रेमिकालाई पनि सिआइएले प्रयोग गर्न बाँकी राखेन । सिआइएले उनलाई विषालु पिल्स (चक्की) हरू दिएको थियो । कोल्ड क्रिमको बट्टामा लुकाइएका ती विषालु पिल्स पग्लिएछन् । जब उनी क्यास्ट्रोको कोठामा पुगिन्, क्यास्ट्रोले उनलाई आफ्नो पेस्तोल दिँदै भने, 'मलाई थाहा छ, तिमी मलाई मार्न आएकी हौ ।' उनी छाती तन्काएर गोली थाप्न तयार भए । तर, उनकी पूर्वप्रेमिकाले उनीमाथि गोली चलाउन सकिनन् । सन् २००० मा क्यास्ट्रो पानामाको भ्रमणमा थिए । उनी बोल्ने मञ्चमुन्तिर ९० केजी विस्फोटक पदार्थ राखिएको थियो । क्यास्ट्रोको निजी सुरक्षा-दस्ताले यो षड्यन्त्र पत्ता लगाएको थियो । र, क्यास्ट्रो बाँच्न पुगेका थिए । यस षड्यन्त्रका नाइके थिए लुइस पोसाडा । उनी लामो समयदेखि अमेरिकामा निर्वासनमा थिए र सिआइएका लागि काम गर्थे । क्यास्ट्रोको हत्या गर्न समर्पित भएर लाग्नेहरूमा उनी अग्रणी थिए । अमेरिकाको फ्लोरिडा राज्यमा क्यास्ट्रोको असफल हत्या प्रयासमा संलग्नहरूमध्ये अधिकांशका घर छन् । उनीहरूलाई अमेरिकी सरकारले संरक्षण दिएको छ भनिन्छ । 
No comments:
Post a Comment